• Baş səhifə
  • Kitabxana
  • Rəy, təklif və iradlar
  • Haqqımızda
  • Əlaqə
reklam reklam reklam reklam reklam
saytda reklam
reklam yeri

Word kursu.Word ilə tanışlıq

Word ilə tanışlıq

Bu dərsimizdə biz Word prosessoru ilə tanış olacağıq. Gələn dərsimizdən etibarən isə artıq sənədi yaratmaq və onunla işləməyi öyrənəcəyik.

Pəncərinin sol yuxarı hissəsində Office düyməsi yerləşmişdir. Düyməni sıxdıqda fayllarla iş zamanı lazım olan ən zəruri əmrlər, son sənədlərin siyahısı və proqramın parametrlərini sazlanması əmrini əks etdirən menyu açılır. Bu düymə Word redaktoru ilə işləyərkən hər dəfə istifadə edilən ən vacib əmrləri özündə əks cəmləmişdir.

Sənədlə iş zamanı istifadə edilən digər vacib panel isə standart alətlər panelidir. Standart alətlər paneli susmaya görə redaktorun yuxarı hissəsində yerləşir və daha çox, tez-tez işlədilən funksiyalara cəld müraciət edilməsində istifadə edilir. Bu paneli özümüz də sazlaya bilərik, yəni daha çox müraciət etdiyimiz funksiyaları panelə əlave edə və ya istifadə etmədiyimiz funksiyaları paneldən çıxarda bilərik. Bunun üçün panelin sonunda yerləşən ox işarəsini, yəni standart alətlər panelinin sazlanmasını seçirik. Burada menyu səhifəsi açılır və lazımı funksiyaları yerinə yetirən alətləri seçirik və ya lazım olmayanlardan imtina edirik. Seçilmiş olan alətlər, yəni qarşısında quş işarəsi qeyd olunanlar artıq paneldə mövcud olan alətlərdir. Siyahıda olmayan alətləri panelə əlavə etmək üçün isə “başqa əmrlər” əmrini seçirsiniz. Açılan menyuda üst terefde siyahıdan lazım olan qrupu seçmək olar. Bu siyahıda əmrlər qruplaşdırılmışdır. Bu qruplaşdırılmış əmrlərdən tez-tez istifadə olunan əmrləri, lentdə olmayan əmrləri, bütün əmrləri və həmçinin başqa-başqa əsas menyulara daxil olan əmrləri seçə bilərsiniz. Sizə lazım olan qrupu seçərkən aşağıdakı bölmədə həmin qrupa daxil olan əmrlər əks olunacaqdır. Bu bölməyə paralel olan bölmədə isə cəld müraciət panelində artıq mövcud olan əmrlər əks olunur. Beləliklə cəld müraciət panelinə əmr əlavə etmək üçün sol bölmədə olan əmri qeyd edib, “əlavə etmək” düyməsini sıxırıq. Gördüyünüz kimi qeyd edilən əmr artıq sağ bölməyə yəni cəld müraciət panelinə əlavə edildi. Biz həmçinin cəld müraciət panelində olan əmri paneldən silə də bilərik. Bunun üçün sağ bölmədə - yəni cəld müraciət panelində mövcud olan əmri qeyd edib, “silmək” düyməsini sıxırıq. Beləliklə qeyd etdiyimiz əmr artıq cəld müraciət panelində əks olunmayacaqdır. Standart alətlər panelinin sazlanması menyusunda biz həmçinin lenti qatlanmaq üçün düymə də vardır. Onu klik etdikdə lent gördüyünüz kimi qatlanır və interfeysdə əks olunmur. Digər düymə isə standart alətlər panelinin yerləşməsinə cavab verir. Yəni panelin lentin aşağı və ya yuxarı hissəsindən əks olunması müəyyənləşdirir.

Ms Office 2007 versiyasından XML dili əsasında faylların yeni formatı da əlavə edilmişdir. Susmaya görə WORD 2007 – də yaradılan sənədlər əvvəlki versiyalarda olduğu kimi .doc genişlənməsinin sonuna X və ya M suffiksləri əlavə edilir. X suffiksi olan sənəddə XML faylının makroslardan istifadə edilmədiyini, M suffiksi isə XML faylında makroslardan istifadə edildiyini bildirir. Buna görə də WORD 2007 və daha yuxarı versiyalarda sənədin adı öyrəşdiyimiz .doc deyil, .docx kimi qeyd edilir. XML formatlarının bir çox üstünlükləri vardır, beləki faylı avtomatik sıxılır və bəzi hallarda əvvəlki WORD versiyalarına nisbətən fayl 75 faizə qədər sıxıla bilir və nəticədə faylın ölçüsü az olur. Bu formatın digər üstünlüyü isə zədələnmiş faylların daha yaxşı bərpasını təmin etməkdir. Onu da qeyd edim ki yeni formatlı sənədlər WORD ün daha öncəki versiyalarında işləmir. Onların işlənməsi üçün isə onlara ayrıca xüsusi konvertorlar quraşdırmaq lazımdır.

WORD-ün fayl sistemi ilə işin təmin olunması üçün bir çox pəncərələrdən istifadə edilir. Onlar hamısı demək olarki bir birinə oxşardırlar. Xarici görünüşünə görə isə onlar kompyuterin əməliyyat sisteminə görə fərlənə bilərlər. Mənim kompyütrimdə WINDOWS 7 əməliyyat sistemi quraşdırıldığından məndə nümunə kimi bu pəncərələr əks olunacaqdır. Ola bilsin sizin əməliyyat sisteminiz fərqli olsun ona görə də pəncərələr xarici görünüşünə məndəki kimi olmaya bilər. Amma bu problem deyil onların sintaksisi eyni olduğu üçün mahiyyətcə eyni funksiyanı yerinə yetirirlər. Pəncərələrin ölçüsünü onların sərhədlərini dartmaqla dəyişmək mümkündür. pəncərələrin kiçildilməsi zamanı onun bəzi elementləri əks olunmaya da bilər. Pəncərinin yuxarı hissəsində cari qovluq ən sonda əks olunur. Ondan əvvəlki qovluqlar isə bu qovluğun yerləşdiyi digər qovluqlardır. Bu qovluqlara keçmək üçün sadəcə qovluğun adına sıxmaq kifayətdir. Onun sağındakı ox işarəsinə sıxdıqda isə həmin qovluqda yerləşən digər qovluqlar əks olunacaqdır. Həmin qovluqlara keçmək üçün isə qovluğun adına sıxmaq kifayətdir.

Soldakı qoşa açılan dırnaq düyməsinə sıxdıqda isə sahədə əks olunmayan digər yuxarı irearxiyada olan qovluqlar əks olunacaqdır. Həmin qovluqlara keçmək üçün isə qovluğun adına sıxmaq kifayətdir.

Poisk sahəsi cari qovluqda və ya cari qovluğun daxilindəki qovluqlardakı lazım olan faylı axtarmaq üçün nəzərdə tutulmuşdur. İrəliyə və geriyə düymələri növbəti qovluğa keçməyə və ya öncədən tərk edilmiş qovluğa qayıtmağa imkan verir. Bu düymələrdən sağda yerləşən ox işarəsinə sixsaq o zaman cari pəncərədə əks olunmuş bütün qovluqlar görsənəcək.

Sol tərəfdə isə qovluqların ierarxiya ağacı sahəsi vardır. Bu sahə vasitəsilə siz istənilən qovluğa cəld müraciət edə bilərsiniz. Buradaki qovluqlarən sol tərəfində yerləşən ox düyməsinə sıxdıqda isə qovluğun içərisində olan digər qovluq və fayllar ierarxiya ağacında əks olunacaqdır.


Əfqanoğlu