İnsan anatomiyası ingiliscə

Bu dərsdə ingilis dilində insan anatomiyası mövzusuna dair yeni sözlər öyrənəcəyik.

İngilis dilində insan anatomiyası

Bugünkü mövzumuz insan anatomiyası ingiliscə mövzusudur. Həkim müayinəsinə gedərkən bədən hissələrinin adlarını bilmədən əlbəttə dərdimizi həkimlərə başa sala bilmərik. Biz keçən dərslərimizin birində ingilis dilində bədən üzvləri mövzusunu keçərkən artıq bir sıra bədən üzvlərininin adlarını ingilis dilində adlandırılmasını öyrənmişdik. Bu dərsimizdə isə ingilis dilində insan anatomiyası mövzusunda söz lüğətimizi daha da genişləndirəcəyik. Söz veririk ki, insan anatomiyası ingilis dilində olan bu dərsimiz sizin üçün darıxdırıcı olmayacaq.

Beləliklə bədənimiz haqqında bir az danışaq. Gündəlik söhbətdə nə qədər tez-tez özümüzün və ya başqasının bədən üzvlərini qeyd etməli oluruq. Məsələn, ənsə və ya ingilis dilində döş qəfəsini necə tələffüz edəcəyinizi dərhal xatırlamaq çox vaxt asan olmur. İngilis dilində insan anatomiyası mövzusu çox genişdir, çünki o, təkcə bədənin hissələrini deyil, həm də üzün, qolların, ayaqların və hətta daxili orqanların hissələrini də əhatə edir. Biz ingiliscə insan orqanları mövzusunu keçərkən daxili orqanlar haqqında sözləri öyrənmişdik. Bu dərsimizdə isə daxili orqanlara aid bilmədiyimiz yeni sözlərə də toxunacağıq. Ümid edirik ki, bu dərsi öyrəndikdən sonra xaricdə tətildə olarkən və ya digər səbəblərdən səyahət edərkən tibbi yardıma ehtiyacınız olduğu bir vəziyyətdə nə baş verdiyini və haranızın ağradığını bildirməkdə çətinlik çəkməyəcəksiniz. Ümid edirik ki, belə bir vəziyyətlə qarşılaşmazsınız. Ancaq bu baş verərsə, bu bilik sizin və ya dostunuzun həyatını xilas edə bilər.

Birincisi, bu dərsin lüğəti ilə siz öz xarici görünüşünüzü və dostlarınızın xarici görünüşünü ingilis dilində asanlıqla təsvir edə bilərsiniz. Belə bir vəziyyəti təsəvvür edin, bir dostunuzla xaricə tətilə getmisiniz. Siz onu turda itirdiniz. Bələdçidən dostunuzu görüb-görmədiyini soruşursunuz. Bəs bunu necə soruşmaq olar? Axı bələdçinin çoxlu sayda turisti var. Əlbəttə ingilis dilində insan anatomiyası mövzusunda lüğət sizin köməyinizə yetişəcək.

İngilis dilini öyrənərkən siz gec ya tez insan bədən üzvləri mövzusuna rast gələcəksiniz. İngilis dilində insan anatomiyası mövzusunda olan sözləri eyni zamanda bu sözlərlə əlaqəli ifadə və idiomları öyrənməklə siz ozünüzü və başqalarını rahatlıqla ingilis dilində təsvir edə biləcək, özünüzü bərbər və ya gözəllik salonlarında rahat hiss edəcək və dediyimiz kimi hər hansı bir tibbi yardım alarkən ingiliscə həkimi ağrayan bədən üzvünün hansı olduğunu asanlıqla başa sala biləcəksiniz.

İnsan anatomiyası mövzusunda ingilis dilində deyimlər.

"To get something off one's chest" - Sinəsindən bir şey çıxarmaq. Səmimi etiraf etmək mənasında. (Azərbaycanca analoqu: - Ürəyini boşaltmaq.)

"To learn by heart" - Ürəklə öyrənmək. (Əzbərləmək mənasında işlədilir.)

"A knuckle sandwich" - Yumruq sendviçi (Kimisə vurmaq mənasında)

"A pain in the neck" - Boyunda ağrı (dözülməz adam, bezdirici, yorucu, baş ağrısı və narahatlıq mənbəyi olan bir adam.)

"A skeleton in the cupboard/closet" - Şkafda skelet (kənar şəxslərdən gizlədilən, utancverici bir sirr)

"Turkey neck" - Hinduşka boynu (İngilis dillilər bu ifadəni çənə altındakı piy qatına deyirlər. Bunu eyni zamanda qoşa çənə də adlandırırlar "double chin".)

"Cankle" - Bu ifadə baldır (calf) və topuq (ankle) sözlərinin birləşməsindən götürülmüşdür və topuqla baldır arasındakı keçidin, incəlmənin praktiki olaraq görünməz olduqda, çox kök, dolu baldırlı insanlar haqqında deyirlər.

İngiliscə insan anatomiyası mövzusunda olan sözlərin yazılış və tələffüzü.

Anatomy	[ əˈnætəmi ]	Anatomiya
Sole	[ səʊl ]	Pəncə
Armpit	[ ˈɑːmpɪt ]	Qoltuqaltı
Temple	[ ˈtempl̩ ]	Gicgah
Backbone	[ ˈbækbəʊn ]	Onurğa
Scapula	[ ˈskæpjʊlə ]	Kürək sümüyü
Build	[ bɪld ]	Bədən quruluşu
Cerebrum	[ s ɪˈriːbrəm ]	Beyin
Clavicle	[ ˈkl̩ævɪkl ]	Körpücük sümüyü
Digestion	[ dɪˈdʒestʃən ]	Həzm
Eyelid	[ ˈaɪlɪd ]	Göz qapağı
Freckle	[ ˈfrekl ]	Çil
Groin	[ ˈɡrɔɪn ]	Qasıq
Larynx	[ ˈlærɪŋks ]	Qırtlaq
Nape	[ neɪp ]	Ənsə
Buttocks	[ bʌtəks ]	Arxa, yan
Oesophagus	[ iːˈsɒfəɡəs ]	Qida borusu
Pelvis	[ ˈpelvɪs ]	Çanaq
Chest	[ ʧest ]	Döş qəfəsi
Rib	[ rɪb ]	Qabırğa
Bowels	[ ˈbaʊəlz ]	Bağırsaq
Skeleton	[ ˈskelɪtn̩ ]	Skelet
Thorax	[ ˈθɔːræks ]	Döş qəfəsi
Accouchement	[ əˈkuːʃmɒŋ ]	Doğuş
Tonsil	[ ˈtɒnsɪl ]	Badamcıq
Urine	[ ˈjʊərɪn ]	Sidik
Wart	[ wɔːt ]	Ziyil
Earlobe	[ ˈɪə.ləʊb ]	Sırğalıq
Tailbone	[ teɪl bəʊn ]	Büzdüm sümüyü
Anus	[ ˈeɪnəs ]	Anal dəlik

Biz təhsilin hamı üçün pulsuz və əlçatan olmalısının tərəfdarıyıq. Bu səbəbdən biz bütün video dərslərimizi tamamilə pulsuz olaraq Sizə təqdim edirik. Lakin, yeni video kurslar yaratmaq üçün məzmunun hazırlanmasına, saytın saxlanılmasına və bu işlə əlaqəli olan bir sıra xərclərin ödənilməsində izləyicilərimizin maddi köməyinə ehtiyacımız var.
Əgər Sizin üçün hazırladığımız video kursları bəyənirsinizsə ve sizə faydası varsa, o zaman bizim hesablara ianə edərək bizə dəstək ola bilərsiniz.