Səhər yeməyi ingiliscə

Bu dərsdə səhər yeməyi ingiliscə mövzusuna dair yeni sözlər öyrənəcəyik.

Səhər yeməyi ingilis dilində

İngilislər səhər yeməyinə "Breakfast" deyirlər. Səhər yeməyi ingilis dilində mövzusu çox aktual bir mövzudur. Beləki, səhər yeməyi ingilis dilində mövzusuna daxil olan söz lüğətinə gündəlik istifadədə dəfələrlə müraciət ediləcəkdir. Əlbətdə səhər yeməyi mövzusunda ingiliscə sözlər öyrənmək bizim bu məğzdə olan mövzuları tam əhatə etmədiyindən siz eyni zamanda qəlyanaltı mövzusunda ingilis dilində sözlər həmçinin Şam yeməyi mövzusunda ingiliscə sözlər dərslərini də öyrənməlisiniz. Eyni zamanda nahar yeməyi mövzusuna dair ingilis dilində sözlər dərsi də saytımızda mövcuddur. Bu dərslərin hamısını öyrəndikdən sonra Sizin artıq ingilis dilli ölkələrin qida qəbulu vaxtları barədə tam anlayışınız olacaqdır.

Ənənəvi İngilis səhər yeməyi nədən ibarətdir?

Böyük Britaniya, bir ada dövləti olaraq, digər Avropa ölkələrindən həmişə təcrid olaraq mövcud olmuşdur. Bunun sayəsində əhalisi öz mühafizəkarlığı və çoxəsrlik ənənələrə sadiqliyi ilə seçilir. Bu həyat tərzinə və hətta yeməklərə də aiddir. A.K. Doylun romanlarının ekranlaşdırılmasından sonra Avropalıların çoxunun öyrəndiyi ənənəvi İngilis səhər yeməyi bunun təsdiqidir. İngilislərin səhər yeməyi menyusu necə yarandı və niyə müəyyən konkret ingredientlərdən ibarətdir?

Ənənəvi ingilis səhər yeməyi aşağıdakılardan ibarətdir:
qızardılmış yumurta;
xırtıldayan bekon;
qızardılmış nazik kolbasa / bengers sosisləri;
pomidor (təzə, bişmiş);
bişmiş ağ lobya (bəzən qızardılmış göbələk də ola bilər);
qızardılmış tost;
yağ;
mürəbbə;
pudinq.

Yeməyin verilməsinə çox diqqət yetirildiyindən bütün qidalar səliqə ilə böyük bir boşqaba qoyulur. Səhər yeməyi içkilərlə tamamlanır - südlü çay, portağal suyu və ya qəhvə.

Əlbəttəki ingilislərin səhər yeməyinin bu məhsullardan təşkil olması heç də təsadüfi deyil, tarixi və coğrafi faktorlara əsaslanır. Onun əsası viktoriyan dövründə qoyuldu. O vaxt İngilislər çox işləyirdilər, əsasən piyada gəzirdilər, buna görə səhər yeməyi bütün gün üçün enerji verəcək şəkildə olmalı idi. Və yalnız isti və doyurucu yeməklər adanın soyuq və rütubətli iqliminə tab gətirməyə imkan verirdi.

Buna görə də İngilis səhər yeməyi yüksək kalorili, qidalı və əsasən qaynadılmış, qızardılmış və qızdırılan bilən məhsullardan ibarət idi. Aristokratların masaları müxtəlif yeməklərlə dolu olsa da (səhər yeməyinə qırqovulun ayaqları, kolbasa, hisə verilmiş ballı bekon, təzə meyvə və marmelad daxil idi(, adi işçilər daha təvazökar bir səhər yeməyi yeyirdilər. Səhər yeməyi hazır məhsullardan - yumurta, çörək, kolbasadan ibarət idi.

Ümumiyyətlə, İngiltərədə səhər yeməyi üçün yeyilənlərin ənənəvi tərkibi 1859 -cu ildə I. Beatonun evdarlıq və kulinariya haqqında ən çox satılan kitabının nəşrindən sonra ingilislər arasında kök salmışdır. Müəllif kitabında doyurucu bir səhər yeməyinə ehtiyac olduğunu bildirmiş və bir sıra reseptlər vermişdi. Sadə və varlı ingilislər bu yeməkləri bəyəndilər.

XX əsrdə, əksər ingilislər ənənəvi olaraq bol miqdarda səhər yeməyi yeyirdilər. Ancaq müasir günümüzdə dumanlı Albion sakinləri daha yüngül və daha tez hazırlanan səhər yeməyinə üstünlük verirlər. Çeşidli məhsullardan ibarət müxtəlif yemək hazırlamaq üçün vaxt ayırmamağa üstünlük verirlər. Bəs o zaman müasir ingilislər səhər nə yeyirlər? Adətən ingilislərin səhər yeməyi saat 7-8-də başlayır və süd, qatıq, təzə meyvə, çay, meyvəli yulaf və ya müslidən ibarətdir. Bəzən səhər yeməyinə yalnız bir fincan qəhvə və sendviçdən ibarət olur.

Çoxları gündəlik İngilis səhər yeməyinin yulaf sıyığı olduğunu düşünür. Bəli, ingilislər bu qidalı sıyığı həqiqətən sevir və səhərlər meyvə və ya yumşaq qaynadılmış yumurta və bekonla həvəslə yeyirlər. Ancaq işləyən İngilislər nadir hallarda yulaf sıyığı yeyirlər, çünki bişirmək uzun müddət çəkir. Bu gün İngilislərin yalnız kiçik bir hissəsi evdə səhər yeməyi yeyirlər. Digərləri bunu demək olar ki, səhər yeməyi verilən restoranlarda, kafelərdə, pablarda edirlər.

Onu da qeyd edimki, günorta saat 11 -də İngilislərin "snack" adlandırdıqları yüngül atışdırmalı qida qəbulu vaxtı da mövcuddur. Buna ikinci səhər yeməyi də deyilir. Birincisindən daha yüngüldür, bir dilim tort və ya peçenye ilə bir fincan çay və ya qəhvə içirlər. Əsas məqsəd yeməklər arasındakı yüngül qida qəbulunu təmin etməkdir.

İngiltərədə bir çox restoran və kafelərin üzərində "Full English Breakfast" yazısını görə bilərsiniz. Bu o deməkdir ki, burada ənənəvi inqridientlərdən istifadə edərək tutumlu səhər yeməyi verilir. Bu dəstin enerji dəyəri təxminən 1000 kkaldır. Günün çox hissəsi üçün güc və enerji verir. Əlbəttə, Pəhriz saxlayan insanlar üçün nəzərdə tutulmuş yağsız bekon, aşağı kalorili kolbasadan və s. ibarət olan ingilis səhər yeməyinin daha yüngül bir versiyası da var.

Britaniya dövləti bir neçə ərazi vahidindən ibarət olduğundan, oxşar xüsusiyyətlərinə baxmayaraq, qida qəbulunda bəzi özünəməxsusluq da vardır. Şotlandiyada kolbasa, yulaf pirojnası və ya kartoflu pancake səhərin ayrılmaz hissəsidir. İrlandiya klassik səhər yeməyini ağ puding olmadan təsəvvür etmək mümkün deyil. Bu bildiyimiz bir desert deyil, bekon və dənli bitkilərlə hazırlanmış bir kolbasadır.

Səhər yeməyi mövzusunda ingiliscə sözlərin yazılış və tələffüzü.

Breakfast	[ ˈbrekfəst ]	Səhər yeməyi
Cereal	[ ˈsɪə.ri.əl ]	Sıyıq
Pancake	[ ˈpæn.keɪk ]	Blinçik
Coffee	[ ˈkɒfi ]	Kofe
Doughnut	[ ˈdəʊ.nʌt ]	Ponçik
Curd	[ kɜːd ]	Kəsmik
Butter	[ ˈbʌtə(r) ]	Kərə yağı
Cheese	[ tʃiːz ]	Pendir
Cottage cheese	[ ˈkɒtɪdʒ tʃiːz ]	Kəsmik
Toast	[ təʊst ]	Qızardılmış çörək
Waffle	[ ˈwɒf.l̩ ]	Vafli
Cream	[ kriːm ]	Qaymaq
Sour cream	[ ˈsaʊə(r) kriːm ]	Xama
Honey	[ ˈhʌn.i ]	Bal
Hash browns	[ hæʃ braʊn ]	Aladi
Omelet	[ ˈɒm.lət ]	Amlet
Sausage	[ ˈsɒs.ɪdʒ ]	Sosis

Biz təhsilin hamı üçün pulsuz və əlçatan olmalısının tərəfdarıyıq. Bu səbəbdən biz bütün video dərslərimizi tamamilə pulsuz olaraq Sizə təqdim edirik. Lakin, yeni video kurslar yaratmaq üçün məzmunun hazırlanmasına, saytın saxlanılmasına və bu işlə əlaqəli olan bir sıra xərclərin ödənilməsində izləyicilərimizin maddi köməyinə ehtiyacımız var.
Əgər Sizin üçün hazırladığımız video kursları bəyənirsinizsə ve sizə faydası varsa, o zaman bizim hesablara ianə edərək bizə dəstək ola bilərsiniz.